|  Contact us
Sunday, May 26, 2019
Subscribe to our Newsletters
Subscribe below to get regular updates from Strafkahill.com
خبرية مفيدة: زوادة اليوم chaperon rouge
زوادة اليوم chaperon rouge
زوادة اليوم:
من زمان و عا سبيل النكتة صار يوصلنا عا تلفوناتنا قصة chaperon rouge بس عا لسان حفيدو للذئب عم يدافع عن جدو و يقول انو مظلوم. بالقصة اللي كلنا منعرفها و منخبرها لولادنا انو الذئب هوي الشرير. خبرية الذئب الزغير بتقول انو جدو كان كتير منيح و حتى ما كان ياكل لحمة كان بس ياكل حشيش بس chaperon rouge تجي تقطفن و و تنتفن و هوي يترجاها يقلا يا عمو بليز خليلي شي آكلو و هيي ما ترد و تصير تدعسلو اكلاتو قصد. قام قرر يروح يحكي ستها تا يتفاهم معها لأنو هيي زغيرة بس ستها شريرة اكتر منها و ضربت الذئب وقعتو اجا عم يقوم تا يفل لأنو زعل كتير قامت الست شافت صياد مارق صارت تصرخ ساعدنا ساعدنا الذئب بدو ياكلنا! من وين اجت هالفكرة عا راسها! و اجا الصياد قوص الذئب...زوادتنا اليوم مش هدفها تخبركن القصة اللي كلكن بتعرفوها بس هدفها تقلكن انو كل خبرية الها وجين و وجهتين نظر ولا مرة تحكمو عا حدا بلا ما عالقليلة تسمعو رأيو و تخلوه يدافع عن حالو يمكن يكون مظلوم!الله معكن
» العودة الى خبرية مفيدة
إقرأ أيضاً
المحبة زوادة اليوم المحبة زوادة اليوم
زوادة اليوم: بيخبرو عن بنت زغيرة حاملة خيها الزغير عا ضهرا و طالعة طلعة قوية كتير. شافها زلمي قلها يا بنتي انتي حاملة حمل تقيل كتير! تطلعت فيه البنت و قالت: يا عمو هيدا مش حمل هيدا خيي! وقف الزلمي متفاجأ من هالجواب اللي بقي محفور بقلبو و صار كل ما تعب من نفسيات و تصرفات و غدر البشر و الناس يتذكر هالجملة يصلب ايدو عا وجو و يقول: هيدا مش حمل هيدا خيي... و انتو حاسين بتقل الناس عليكن؟ عم يضايقوكن تصرفاتن؟ معليش! ما تحملوهن عا كتافكن حملوهن بقلبكن بيصير الحمل اخف و فكرو انو كل واحد من هالناس خيكن
كلام الناس زوادة اليوم كلام الناس زوادة اليوم
زوادة اليوم: بيقلنا القديس يوحنا ذهبي الفم: "ان لم تستطع ان تمنع من يتكلم عن اخيه بالسوء فعلى الاقل لا تتكلم انت!" جملة ما بتحمل تعليق هيي بتحكي عن حالها! كم مرة بالنهار بتسمعو ناس عم يحكو عن ناس يأبشع الكلمات اوقات بتمون عليهن انو يوفقفو و اوقات ما فيك تمنعن! بس الأكيد الأكيد انو فيك ما تشارك معن بالحديث! بيكون عم يحكيك بالمحبة و بيسوع و بالكنيسة شوي بيمرق جارو ما بيخلي عنو كلمة ما بيحكيها! المشكلة انو صارت هالشغلة عادة اكتر من ما تكون عن سوء نية تعودنا انو ما فينا الا ما نعلق عا كل ش
سلام المسيح زوادة اليوم سلام المسيح زوادة اليوم
زوادة اليوم: بيخبرو عن منطقة كانت فيا انتخابات البلدية قوية كتير و فرقت عا كم صوت. نهار الأحد كانو كل الناس بالقداس شوي بيصير وقت السلام. تنين قاعدين حد بعضن كانو ضد بعض بالبلدية بس اجا السلام بيقوم الزلمي ما بيعطيه للرجال اللي حدو!! معقول يوصل الحقد هلقد و كرمال شو؟ منصب و كرسي ما بيفيدو بشي... ليش شو عاملك الزلمي حتى يعميك الشر هيك...بعدين شو نفع تروح تقدس و انت بهالنفسية اصلا انت ما بتستحي تفوت عا بيت ربنا و تتصرف هيك؟! ما فكرت للحظة انو يسوع شايفك و قديش بيكون زعل منك... عا كل حال دعوتنا ا
Copyright ©2019.