|  Contact us
Sunday, May 26, 2019
Subscribe to our Newsletters
Subscribe below to get regular updates from Strafkahill.com
خبرية مفيدة: الظالم لا يحتاج سبب ليظلم زوادة اليوم
الظالم لا يحتاج سبب ليظلم زوادة اليوم
زوادة اليوم:
اجا الحمار عند الأسد معصب و قلو :"مش انت ملك الغابة؟ قال الأسد:" اكيد انا الملك بشو بساعدك؟" قلو الحمار:" هيدا النمر كل يوم بس يشوفني بيضربني و بيقلي ليش مش لابس البرنيطة؟" و انا ما معي خبر لا برنيطة و لا شي ,حكي معو شفلي شو القصة ما بقا فيي اتحمل!
راح الأسد عند النمر قلو:" يا خيي شو قصة هالبرنيطة انت و الحمار؟ "جاوب النمر: "ما في برنيطة ,بس انا هيك بقلو تا يكون عندي سبب اضربو!" قلو الأسد:" انا بلاقيلك حجة احسن, تبقى قلو روح جبلي تفاحة اذا جابها حمرا ضربو و قلو كان بدي ياها صفرا و اذا جابا صفرا ضربو و قلو كان بدي ياها حمرا."
عجبتو الفكرة للنمر و راح عند الحمار قلو :"روح جبلي تفاحة ."قام الحمار سألو: "بدك ياها حمرا او صفرا؟ "عصب النمر وقلو:" ما بقا بدي تفاح." و ضربو و قلو:" ليش مش لابس البرنيطة؟! "
زوادتنا اليوم بدا تقلنا :انو الظالم ما بدو حجة تا يستقوي عالضعيف. اذا كنت انت بموقع القوة حط حالك محل الضعيف و فكر شو كان صار لو القصة معكوسة و انت اللي عم تنضرب او يفترى عليك بلا سبب!يمكن ساعتها بتصير تعد للعشرة قبل ما تتصرف...نحنا عايشين بزمن الشر و التسلط، اصلا يسوع قلنا رح يجي وقت خي يقتل خيو و ابن يقتل بيو و هيك اشيا...نحنا لازم نجرب نكون هالشمعة الزغيرة بقلب كل هالعتمة و ما نيأس قد ما
انظلمنا في عنا رب شايف كل شي و كونو اكيدين عندو ما بيضيع حقنا
ابدا...الله معكن.
» العودة الى خبرية مفيدة
إقرأ أيضاً
زوادة اليوم chaperon rouge زوادة اليوم chaperon rouge
زوادة اليوم: من زمان و عا سبيل النكتة صار يوصلنا عا تلفوناتنا قصة chaperon rouge بس عا لسان حفيدو للذئب عم يدافع عن جدو و يقول انو مظلوم. بالقصة اللي كلنا منعرفها و منخبرها لولادنا انو الذئب هوي الشرير. خبرية الذئب الزغير بتقول انو جدو كان كتير منيح و حتى ما كان ياكل لحمة كان بس ياكل حشيش بس chaperon rouge تجي تقطفن و و تنتفن و هوي يترجاها يقلا يا عمو بليز خليلي شي آكلو و هيي ما ترد و تصير تدعسلو اكلاتو قصد. قام قرر يروح يحكي ستها تا يتفاهم معها لأنو هيي زغيرة بس ستها شريرة اكتر منها و ضربت الذ
المحبة زوادة اليوم المحبة زوادة اليوم
زوادة اليوم: بيخبرو عن بنت زغيرة حاملة خيها الزغير عا ضهرا و طالعة طلعة قوية كتير. شافها زلمي قلها يا بنتي انتي حاملة حمل تقيل كتير! تطلعت فيه البنت و قالت: يا عمو هيدا مش حمل هيدا خيي! وقف الزلمي متفاجأ من هالجواب اللي بقي محفور بقلبو و صار كل ما تعب من نفسيات و تصرفات و غدر البشر و الناس يتذكر هالجملة يصلب ايدو عا وجو و يقول: هيدا مش حمل هيدا خيي... و انتو حاسين بتقل الناس عليكن؟ عم يضايقوكن تصرفاتن؟ معليش! ما تحملوهن عا كتافكن حملوهن بقلبكن بيصير الحمل اخف و فكرو انو كل واحد من هالناس خيكن
كلام الناس زوادة اليوم كلام الناس زوادة اليوم
زوادة اليوم: بيقلنا القديس يوحنا ذهبي الفم: "ان لم تستطع ان تمنع من يتكلم عن اخيه بالسوء فعلى الاقل لا تتكلم انت!" جملة ما بتحمل تعليق هيي بتحكي عن حالها! كم مرة بالنهار بتسمعو ناس عم يحكو عن ناس يأبشع الكلمات اوقات بتمون عليهن انو يوفقفو و اوقات ما فيك تمنعن! بس الأكيد الأكيد انو فيك ما تشارك معن بالحديث! بيكون عم يحكيك بالمحبة و بيسوع و بالكنيسة شوي بيمرق جارو ما بيخلي عنو كلمة ما بيحكيها! المشكلة انو صارت هالشغلة عادة اكتر من ما تكون عن سوء نية تعودنا انو ما فينا الا ما نعلق عا كل ش
Copyright ©2019.