|  Contact us
Tuesday, October 15, 2019
Subscribe to our Newsletters
Subscribe below to get regular updates from Strafkahill.com
خبرية مفيدة: الله يراني زوادة اليوم
الله يراني زوادة اليوم
زوادة اليوم:
كان فيه بيّ كل يوم ييجيله شكاوي من المدرسين بسبب ابنه انه ما بيدرس. راح البيّ اشترى كاميرا مراقبه وحطها في اوضة ابنه حتى يقدر
يراقبه اذا عم يدرس او لا. وقال لأبنه: انا مش رح ضلّ معك بالاوضة 24 ساعه بس الكاميرا بتسجّل. وانا بس اجي من الشغل بحضر الشريط بسرعه وبشوف. المهم الابن اضطر يدرس بجدّية. وبلّشو المدرسين يحسوا بالفرق.
و من بعد ما خلّص سنين دراسته. قاله البيّ انا بدّي خبّرك سرّ كنت مخبّيه عليك طول السنين اللي قطعت. وراح عالاوضة و قلّو هيدي الكاميرا بس ملزوقه ع الحيط وما بتسجّل. مجرّد وجودها قدامك كان مخليك تدرس بجدّيه كرمال ترضيني.. وهيدا الرضا خلّاك بمستوي تعليمي تفتخر في دايما.
الزوادة بتقلّي و بتقلّك لو خلّي عنا ايمان انو بيّنا السماوي شايفنا طول الوقت وشايف شو عم نعمل, بعتقد منعمل كل اللي يرضيه.. بس نحنا للأسف سبب خطايانا اللي بنعملها انو بننسى انو شايفنا. خلّونا نردد متل الأخ إسطفان نعمه: " ألله يراني". والله معكن
» العودة الى خبرية مفيدة
إقرأ أيضاً
زوادة اليوم chaperon rouge زوادة اليوم chaperon rouge
زوادة اليوم: من زمان و عا سبيل النكتة صار يوصلنا عا تلفوناتنا قصة chaperon rouge بس عا لسان حفيدو للذئب عم يدافع عن جدو و يقول انو مظلوم. بالقصة اللي كلنا منعرفها و منخبرها لولادنا انو الذئب هوي الشرير. خبرية الذئب الزغير بتقول انو جدو كان كتير منيح و حتى ما كان ياكل لحمة كان بس ياكل حشيش بس chaperon rouge تجي تقطفن و و تنتفن و هوي يترجاها يقلا يا عمو بليز خليلي شي آكلو و هيي ما ترد و تصير تدعسلو اكلاتو قصد. قام قرر يروح يحكي ستها تا يتفاهم معها لأنو هيي زغيرة بس ستها شريرة اكتر منها و ضربت الذ
المحبة زوادة اليوم المحبة زوادة اليوم
زوادة اليوم: بيخبرو عن بنت زغيرة حاملة خيها الزغير عا ضهرا و طالعة طلعة قوية كتير. شافها زلمي قلها يا بنتي انتي حاملة حمل تقيل كتير! تطلعت فيه البنت و قالت: يا عمو هيدا مش حمل هيدا خيي! وقف الزلمي متفاجأ من هالجواب اللي بقي محفور بقلبو و صار كل ما تعب من نفسيات و تصرفات و غدر البشر و الناس يتذكر هالجملة يصلب ايدو عا وجو و يقول: هيدا مش حمل هيدا خيي... و انتو حاسين بتقل الناس عليكن؟ عم يضايقوكن تصرفاتن؟ معليش! ما تحملوهن عا كتافكن حملوهن بقلبكن بيصير الحمل اخف و فكرو انو كل واحد من هالناس خيكن
كلام الناس زوادة اليوم كلام الناس زوادة اليوم
زوادة اليوم: بيقلنا القديس يوحنا ذهبي الفم: "ان لم تستطع ان تمنع من يتكلم عن اخيه بالسوء فعلى الاقل لا تتكلم انت!" جملة ما بتحمل تعليق هيي بتحكي عن حالها! كم مرة بالنهار بتسمعو ناس عم يحكو عن ناس يأبشع الكلمات اوقات بتمون عليهن انو يوفقفو و اوقات ما فيك تمنعن! بس الأكيد الأكيد انو فيك ما تشارك معن بالحديث! بيكون عم يحكيك بالمحبة و بيسوع و بالكنيسة شوي بيمرق جارو ما بيخلي عنو كلمة ما بيحكيها! المشكلة انو صارت هالشغلة عادة اكتر من ما تكون عن سوء نية تعودنا انو ما فينا الا ما نعلق عا كل ش
Copyright ©2019.